"Manchester Siti" markaziy himoyachisi Emerik Laport faoliyatini "Barselona"da davom ettirmoqchi.

28 yoshli futbolchi yozgi transfer oynasida klubini almashtirish haqida o'ylamoqda, chunki u "shaharliklar"ning asosiy jamoasidagi o'rnini yo'qotganidan norozi. Nufuzli insayder Fabritsio Romanoning fikricha, Laportning katta orzusi "Barselona"ga o'tish.

"Manchester Siti" hozircha ispaniyalik markaziy himoyachining kelajagi haqida izoh berishdan bosh tortdi.

Emerik Laport joriy mavsumda atigi 19 ta o'yinda maydonga tushdi. Transfermarkt uning narxini 30 million evroga baholamoqda.