Frantsiyaning «PSJ» jamoasida to'p tepayotgan braziliyalik hujumchi Neymar «Barselona» formasida o'zi va argentinalik Lionel Messining surati tushirilgan nashrga layk bosdi.

Postga quyidagi so'zlar qo'yilgan: «O'shanda ular juda xursand edilar».

Eslatib o'tamiz, Neymar va Messi so'nggi paytlarda parijlik muxlislar tomonidan tanqid ostiga olingandi. Har ikki futbolchi ham mavsum oxirida jamoani tark etishi mumkin.

Lionelning «PSJ» bilan shartnomasi shu mavsum oxirigacha hisoblangan. Argentinalik futbolchi uchun «Barselona» va Saudiya Arabistoni kurash olib boradi.

Neymarga kelsak, braziliyalikning parijliklar bilan shartnomasi 2025 yilda yakuniga etadi.