Kataloniyaning “Barselona” klubi Angliyaning “Aston Villa” klubida ish boshlaydigan sport direktori Mateu Alemanining o'rniga boshqa nomzod topdi.

Ispaniyaning Sport nashri xabariga ko'ra, "ko'k-anorranglilar" "Portu" sport direktori Vitor Bayyaga ko'z tikishmoqda.

Portugaliyalik mutaxassis avval “Barselona”da futbolchi sifatida o'ynagan. 1996-1999-yillarda Vitor “ko'k-anorranglilar” darvozaboni bo'lgan va jamoa bilan ichki maydonda 5 ta sovrinni qo'lga kiritishga muvaffaq bo'lgan.

Manbaga ko'ra, Bayya "Portu"ni moliyaviy jihatdan barqaror jamoaga aylantirgan va bu ayni damda "Barselona" rahbariyatini hayratga solmoqda. Sport direktori lavozimiga yana bir nomzod Deku bo'lib, u ham "Barselona"da, ham "Portu"da futbolchi sifatida o'ynashga muvaffaq bo'lgan.