"Atletiko Madrid" yarim himoyachisi Yannik Karrasko kelasi mavsumda "Barselona"da o'ynashi mumkin.

Jurnalist Ferran Korreasning so'zlariga ko'ra, belgiyalik futbolchining kelishuvi joriy mavsumda "Osasuna"da ijara asosida o'ynayotgan Abde Ezzalzuliga bog'liq.

E'tiborli tomoni shundaki, Ezzalzuli katta ehtimol bilan “Barselona”da yana bir mavsum qoladi, ammo “ko'k-anorranglilar” foydali taklif tushsa, futbolchini sotishi mumkin. Bu holatda uning o'rnini bosadigan birinchi variant Karrasko bo'ladi. Uning "Atletiko" bilan shartnomasi 2024 yilning yozida tugaydi.

21 yoshli Ezzalzuli Ispaniya chempionatining joriy mavsumida 3 ta gol urdi va ikkita golli uzatmani amalga oshirdi.