Kataloniyaning "Barselona" klubi yozda "Leyptsig" tarkibida o'ynayotgan o'z tarbiyalanuvchisi Dani Olmoni jamoaga qaytarmoqchi. Insayder Gabriel Sansning tarqatgan ma'lumotlarga ko'ra, "ko'k-anorranglilar" yarim himoyachiga qiziqish bildirishda davom etmoqda.

Qayd etilishicha, Olmo hozirda jamoasi bilan shartnomani uzaytirishdan bosh tortmoqda. Uning shartnomasi 2024 yilning yoziga qadar mo'ljallangan. Shuningdek, Daniga "Borussiya Dortmund" ham qiziqish bildirmoqda.

24 yoshli Olmo joriy mavsum Bundesligada 2 ta gol urdi va 4 ta golli uzatmani amalga oshirdi. Futbolchi bir necha yildan beri muntazam ravishda Ispaniya terma jamoasiga chaqirilib kelinmoqda.