"Barselona" yarim himoyachisi Serxio Buskets Kataloniya klubini tark etishi haqida gapirdi. 

“Bu mening “Barselona”dagi so'nggi mavsumim. Men doim shu jamoada o'ynashni orzu qilardim, shu bois 15 mavsumni shu erda o'tkazishimni tasavvur ham qila olmasdim. Buni amalga oshirgan barchaga rahmat aytmoqchiman", - deb xabar beradi jamoa matbuot xizmati futbolchining so'zlarini.

Buskets "Barselona" akademiyasi bitiruvchisi. U 2008 yildan beri asosiy jamoada o'ynab kelmoqda. Serxio jamoa bilan birgalikda sakkiz marta Ispaniya chempioni bo'ldi, shuningdek, uch marta Chempionlar ligasida g'olib chiqdi.