"Barselona" mavsum oldidan "Real"ga qarshi o'rtoqlik o'yini o'tkazadi. Bu haqda Kataloniya klubi rasmiy saytida ma'lum qildi.

"Barsa" AQShda to'rtta sinov o'yinini o'tkazadi. Avvaliga Xavi Ernandes shogirdlari “Yuventus” (22 iyul), keyin “Arsenal” (26 iyul) bilan uchrashadi. 29 iyul kuni 80 000 tomoshabinga mo'ljallangan arenada "El Klasiko" bo'lib o'tadi va "Barselona"ning safari "Milan"ga qarshi o'yin bilan yakunlanadi.

33-turdan keyin Kataloniya klubi 82 ochko bilan Ispaniya chempionati turnir jadvalida peshqadamlik qilmoqda. "Real Madrid" 68 ochko bilan uchinchi o'rinda bormoqda.