"Barselona" vingeri Ansu Fati "Vulverxempton"ga o'tishni istamayapti. Jurnalist David Bernabeuning so'zlariga ko'ra, ispaniyalik futbolchi "Barselona"da qolishga qaror qilgan.

Fatining agenti Jorje Mendesh mijozini "Kamp Nou"da saqlab qolish uchun ko'p mehnat qilishi kerak bo'ladi. Rahbariyat Ansuni yarim himoyachi Ruben Nevesh evaziga "Vulverxempton"ga bermoqchi. Agent "bo'rilar" safiga Fati o'rniga boshqa futbolchini jo'natib, prezident Joan Laportani fikridan qaytarishga harakat qiladi. Variantlar orasida Niko Gonsales, Abde Ezzalzuli va Serjino Dest bor.

Eslatib o'tamiz, avvalgi ikki mavsumda Fati turli jarohatlar tufayli aksariyat o'yinlarni o'tkazib yuborgandi.