Kataloniyaning “Barselona” klubida o'ynayotgan himoyachi Ronald Arauxo hujumchi Lionel Messining “ko'k-anorranglilar” safiga qaytishi mumkinligi haqidagi ma'lumotga izoh berdi.

"Biz bu haqda kiyim almashtirish xonasida gaplashmaymiz. Biroq, Lionel Messidek o'yinchini jamoamizda doim kutib olishadi", - dedi Arauxo Sport.es bilan suhbatda.

Messi "Barselona" tarbiyalanuvchisi. Kataloniya klubi tarkibida hujumchi 2005 yildan 2021 yilgacha o'ynagan. Lionel so'nggi ikki mavsumni parijliklar safida o'tkazdi. Uning parijlik gigant bilan shartnomasi joriy mavsum oxirida yakuniga etadi.