“Kristal Pelas” hujumchisi Uilfrid Zaxa ayni damda beshta klubning e'tiborini tortmoqda.

Mundo Deportivo nashrining xabariga ko'ra, ivuarlik futbolchi "Marsel", Kataloniyaning "Barselona", Turinning "Yuventus", shuningdek, Londonning ikkita klubi "Arsenal" va "Chelsi"ning qisqa ro'yxatidan joy olgan.

Zaxaning "Kristal Pelas" bilan shartnomasi mavsum oxirida tugaydi, klub hali ham futbolchini qolishga ishontirish uchun kurashmoqda. Agar hujumchi ketishga qaror qilsa, yangi klub uni erkin agent sifatida o'z safiga qo'shib oladi.

Zaxa joriy mavsumda Premer-ligada 7 ta gol urdi va 2 ta golli uzatmani amalga oshirdi. Noyabr oyida hujumchi 31 yoshga to'ladi.