"Fiorentina" yarim himoyachisi Sofyan Amrabat "Barselona"ga o'tishi mumkin.

“Ko'k-anorranglilar” ustozi Xavi Ernandesning ta'kidlashicha, klub ketayotgan Serxio Busketsning o'rniga yangi yarim himoyachi sotib olmoqchi. "Real Sosedad" futbolchisi Martin Subimendi "Barselona" uchun orzu hisoblanardi, ammo futbolchining narxi juda yuqori bo'lgani uchun bu transferni amalga oshirish deyarli mumkin emas.

Jurnalist Toni Xuanmartining so'zlariga ko'ra, arzonlashtirilgan narxda sotiladigan Amrabat Kataloniya giganti uchun yangi ustuvor vazifaga aylandi.

Eslatib o'tamiz, marokashlik qishda "Barselona"da bo'lishi mumkin edi, ammo "Fiorentina" yarim himoyachini qo'yib yuborishdan bosh tortdi.