"Barselona" hujumchisi Rafinya La Liganing 36-turidan o'rin olgan "Valyadolid"ga (1:3) qarshi o'yindan so'ng muxlislardan uzr so'radi.

"O'ylaymanki, o'yin yaxshi o'tdi, ammo bizga maydonda shiddatlilik etishmadi. Biz faolroq bo'lishimiz kerak edi, endi mag'lubiyat uchun javobgarlikni o'z zimmamizga olishimiz kerak. Balki jamoada motivatsiya etishmayotgandir. Nima bo'lganda ham, muxlislardan uzr so'rashimiz kerak", - dedi Rafinya Kataloniya klubi matbuot xizmatiga.

"Barselona" allaqachon chempionlikni qo'lga kiritgan. “Valyadolid” 38 ochko jamg'arib, 17-o'ringa ko'tarilib, quyi liga tushib ketish zonasini tark etdi.