Andres Inesta Yaponiyaning "Vissel Kobe" klubini tark etadi, bu haqda rasman e'lon qilingan.

39 yoshli futbolchi kelajakdagi rejalari haqida fikr bildirdi. Inesta har qanday rolda ham "Barselona"ga qaytish istagini yana bir bor e'lon qildi.

"Ko'p marta aytganimdek, hayotimning qaysidir pallasida "Barselona"ga qaytishni istayman. Ammo hozir men buni amalga oshmaydi deb o'ylayman. Chunki, men futbol o'ynashni davom ettirmoqchiman.

Umid qilamanki, Xavi yana ko'p yillar murabbiy bo'ladi, bu futbol uchun ajoyib bo'lardi", - dedi Inesta Goal bilan suhbatda.

Eslatib o'tamiz, Andres Inesta 2018 yilning yozida "Barselona"ni tark etgandi.