"Barselona"ning etakchisi Robert Levandovski jamoasining 2022/2023 yilgi mavsumdagi o'yini haqida gapirdi.

“Chempionlar ligasida biz katta omadsizlikni boshdan kechirdik. Biroq, Ispaniya chempionatida qilgan ishimiz juda muhim voqea bo'ldi.

Yangi mavsumda "Barselona" har ikki musobaqada ham yaxshi natija ko'rsatishga harakat qiladi", - dedi polshalik hujumchi.

Eslatib o'tamiz, Chempionlar ligasida "Barselona" guruh bosqichidan chiqa olmadi. Ispaniya La Ligasida Xavi Ernandes shogirdlari ancha muvaffaqiyatli ishtirok etib, muddatidan avval oltin medallarni qo'lga kiritishdi.