Robert Levandovski Saudiya Arabistoniga ko'chib o'tish niyatida emas.

Oldinroq Saudiya Arabistoni klublari 34 yoshli hujumchiga qiziqish bildirayotgani haqida xabar berilgandi. Mundo Deportivo xabariga ko'ra, futbolchi "Barsa"ni tark etish haqida o'ylamayapti.

Juda ham katta taklifga qaramay, Levandovski 2025 yilgacha shartnoma tuzgan klubini tark etish niyatida emas.

Levandovski o'tgan mavsumda La Ligada 34 o'yinda maydonga tushib, 23 gol urgan va 7 golga assistentlik qilgan.