«Real»ning ikki futbolchisi shartnomasida umrbod «Barselona»ga o'tmaslik haqida band mavjud bo'lib, unga ko'ra, ular erkin agentga aylangan taqdirda ham hech qachon "ko'k-anorranglilar" bilan shartnoma imzolamaydi."Mundo Deportivo" tarqatgan xabarga ko'ra, gap Marko Asensio va Dani Sebalos haqida ketmoqda. «Barsa» o'z vaqtida Asensioga qiziqishi bildirgan. Ispaniyalik o'yinchi 2014 yilda «Malorka» o'ynayotganida "Kamp Nou"ga ko'chib o'tishga yaqin kelgandi. Ammo bu transfer amalga oshmagandi. Eslatib o'tamiz, Asensio "Real" bilan xayrlashdi va ko'p ehtimol bilan "PSJ" a'zosiga aylanadi. Sebalos esa hech qachon «Barsa» qiziqishlari doirasiga kirmagan. Shunga qaramay, mabodo keyinchalik taklif tushsa ham Dani Kataloniya klubi bilan shartnoma imzolamaydi.