Madridning "Real" klubi yarim himoyachisi Luka Modrich "As-Sadd" jamoasidan qiziqarli taklif oldi.

Qatar klubi 37 yoshli xorvatiyalik futbolchiga Saudiyaning "Al-Ahli" bilan birga da'vogarlik qilmoqda.

Jurnalist Romayn Molinaning so'zlariga ko'ra, "As-Sadd"ning taklifi unda Modrichning futbolchilik faoliyatini yakunlaganidan so'ng darhol murabbiylik lavozimiga o'tishi haqidagi band borligi bilan e'tiborlidir. Avvalroq "As-Sadd" hozirda "Barselona"ni boshqarayotgan Xavi Ernandes bilan ham xuddi shunday stsenariyni amalga oshirishga muvaffaq bo'lgandi.

Luka Modrich kelajagi borasida hali bir qarorga kelgani yo'q. Yarim himoyachining shartnomasi shu oyda tugaydi, biroq futbolchining o'zi bir necha bor "Real"da qolish istagini bildirgan.