Himoyachi Jordi Alba "Barselona" bilan shartnomasini bekor qildi va erkin agentga aylandi. 34 yoshli ispaniyalik futbolchi Angliya Premer-ligasiga o'tishga tayyor ekanligini tan oldi.

"Men Premer-ligani kuzataman, u erdagi muhitni ko'raman. Men u erda o'ynagan ispaniyalik futbolchilar bilan gaplashdim va ular Angliyaning o'zgacha ekanligini aytishdi. Men doim "bir kun kelib, balki..." deb o'ylardim, lekin men bor e'tiborimni "Barselona" va La Ligaga qaratgandim. Ko'ramiz. Hamma narsani o'lchab ko'rish kerak", - dedi Alba The Guardian nashriga.

Eslatib o'tamiz, Jordi Alba "Barselona"ning asosiy jamoasida o'n bir mavsum o'ynadi.