"Barselona" vingeri Rafinya Dias bosh murabbiy Xavi Ernandesning jamoadagi o'rni haqida gapirdi.

Eslatib o'tamiz, yaqinda ispaniyalik mutaxassis 2019 yildan beri ilk bor La Liga chempionligini qo'lga kiritgandi.

"Bizda "Barselona" qanday o'ynashini yaxshi biladigan murabbiy bor. U klubni boshidan oxirigacha biladi. Xavi jamoamizning hozirgi o'yinchilari bilan nimaga erisha olishini biladi. Kelgusi mavsumdagi maqsad Chempionlar ligasida g'alaba qozonish", - dedi Rafinya Barca Universal bilan suhbatda.

Avvalroq "Barselona" Rafinyani shu yozda 90 million evrolik taklif tushgan taqdirdagina sotishga rozi bo'lishi ma'lum qilingandi. Eslatib o'tamiz, bir yil avval kataloniyaliklar braziliyalik uchun "Lids"ga taxminan 55 mln evro to'lagandi.