"Bavariya" yarim himoyachisi Leon Goretska "Barselona" darvozaboni Mark-Andre ter Shtegen bilan bo'lgan suhbati haqida gapirdi.

"Biz Mark-Andre ter Shtegen bilan ko'p hazillashdik. Uning so'zlariga ko'ra, "Barselona" "Bavariya"ning Bundesligadagi g'alabasidan juda xursand, chunki endi biz keyingi mavsumda Chempionlar ligasi guruh bosqichida aniq uchrashmaymiz. "Bavariya" barcha musobaqalarda g'alaba qozonishni doim maqsad qiladi", - dedi Goretska.

Eslatib o'tamiz, so'nggi ikki yil ichida "Barselona" Chempionlar Ligasi guruh bosqichidan chiqa olmayapti. Ikkala holatda ham "Bavariya" Kataloniya jamoasi bilan bir guruhda o'ynagan.