Hozirda "Barselona"da La Ligada atigi 13 nafar futbolchi ro'yxatdan o'tgan.

Hozirda faqatgina Mark-Andre ter Shtegen, Jyul Kunde, Erik Garsiya, Andreas Kristensen, Pedri, Gavi, Frank Kessie, Frenki de Yong, Ferran Torres, Ansu Fati, Robert Levandovski, Usmon Dembele va Rafinya Dias ro'yxatga olingan.

"Barsa" hali Inyaki Penya, Ronald Arauxo, Markos Alonso, Serxi Roberto, Aleks Balde va yangi kelgan Ilkay Gyundoganni ligada ro'yxatdan o'tkazmagan.

Avvalroq "Barsa" direktorlar kengashi La Ligaga yillik 6,67 million evro moliyaviy kafolat berishga rozi bo'lgandi. Bu klubning amaldagi futbolchilari bilan shartnomalarni uzaytirishni rasmiylashtirish imkonini beradi.

Biroq, bu yangi kelganlarni ro'yxatdan o'tkazish uchun etarli emas - buning uchun jamoa shartnomalarni bekor qilishi yoki o'yinchilarni sotishi kerak bo'ladi.