"Barselona" prezidenti Joan Laporta klub hujumchi Lionel Messiga 2025 yilgacha maosh berishini aytdi.

"Biz Leoga jamoa bilan xayrlashuv marosimini tashkil qilamiz. Buni yangi "Kamp Nou" ochilishida qilish ideal bo'lardi. Biz unga 2025 yilga qadar maosh to'lashimiz kerak, chunki u avvalgi rahbariyat davrida maoshlarini kechiktirgan edi", - dedi Laporta Mundo Deportivo bilan suhbatda.

Messi 2021 yilning avgustida shartnomadagi qiyinchiliklar tufayli "Barselona"ni tark etishga majbur bo'lgandi. Argentinalik futbolchi "PSJ"ga o'tdi va u erda ikki yilni o'tkazdi. Bu yozda u "Inter Mayami"ga ko'chib o'tdi.