Huquqlari Ekvadorning "LDU Kito" klubiga tegishli bo'lgan 19 yoshli yarim himoyachi Oskar Zambrano faoliyatini Ispaniya chempionatida davom ettirish imkoniyatiga ega. Bu haqda Mundo Deportivo nashri xabar bermoqda.

Manbaga ko'ra, "Barselona" o'z safiga iqtidorli futbolchini jalb qilmoqchi. Janubiy Amerika klubi futbolchini transfer qilish uchun "ko'k-anorranglilar"dan taklif kutmoqda.

Oskar yaqinda bo'lib o'tgan jahon chempionatida Ekvador U-20 terma jamoasida o'ynadi. Yarim himoyachi jamoasi turnirni tark etgunga qadar barcha uchrashuvlarda ishtirok etgan.

O'tgan yili ekvadorlik futbolchiga "Ayaks" qiziqish bildirgandi.