"Liverpul" va "Barselona"ning sobiq hujumchisi, hozirda "Gremio" jamoasida o'ynayyotgan Luis Suares "Inter Mayami"ning transfer maqsadi hisoblanadi.

Insayder Gaston Edul xabariga ko'ra, Mayami klubi rahbariyati Braziliya tomoni bilan tajribali urugvaylik futbolchining transferi bo'yicha muzokaralarga kirishgan. Suaresning o'zi bilan amerikaliklar allaqachon shartnoma tafsilotlarini kelishib olishgan.

Luisning "Gremio" bilan shartnomasi 2024 yilgacha mo'ljallangan. Uning hozirgi transfer qiymati 4 million evroga baholanmoqda.

Joriy mavsumda urugvaylik futbolchi Braziliya chempionatida 12 ta o'yin o'tkazib, 4 ta gol va 3 ta golli uzatmani amalga oshirgan.