"PSJ" "Real"ga shoshilish uchun klublarning Kilian Mbappega qiziqishi haqida mish-mishlarni tarqatmoqda.

Jurnalist Romen Beddukning yozishicha, "PSJ" "Real"dan taklif kutmoqda.

Frantsiya klubi madridliklarni Mbappe bo'yicha tezroq parijliklar rahbariyatiga mos keladigan taklif bilan chiqishga majburlash maqsadida hujumchiga turli jamoalarning qiziqishi haqida ataylab ma'lumot tarqatmoqda.

Avvalroq, Mbappega "Al-Hilol" va "Barselona"dan qiziqish borligi haqida xabarlar tarqalgan edi.

O'z navbatida, "Real" Mbappe va uning atrofidagilar bilan to'g'ridan-to'g'ri muzokara olib borish niyatida emas. 2022 yilning yozida transfer buzilgani uchun klub endi hujumchiga ishonmaydi. Kelasi yozda klub ham frantsiyalik futbolchining atrofidagilar bilan muzokara olib borish niyatida emas.

Eslatib o'tamiz, "PSJ" Mbappeni 2024 yilda tekinga qo'yib yubormaslik uchun shu yozda sotishga tayyor, chunki hujumchi shartnomani uzaytirishdan bosh tortmoqda. Kilian jamoa bilan Yaponiyaga yozgi turnega bormadi.