26 yoshli frantsiyalik vinger Usmon Dembele yaqin kunlar va hatto soatlar ichida "Barselona"ni tark etib, "PSJ"ga o'tishi kutilmoqda.

Uning o'rniga nomzod sifatida kataloniyaliklar "Bavariya"dan Leroy Saneni tanlagandilar. Biroq, 27 yoshli vinger yozgi transferlar vaqtida Myunxen klubini tark etish niyatida emas, deya xabar bermoqda Bild nashri.

Transfermarkt portali Leroy Saneni 65 million evroga baholagan. U 2020 yilning yozidan beri "Bavariya"da o'ynamoqda. O'shandan beri Sane 133 ta o'yin o'tkazib, 38 ta gol va 37 ta golli uzatmani amalga oshirgan.