«Barselona» himoyachisi Kleman Langle «Napoli»ning yangi futbolchisiga aylanishi mumkin.

Football Espana xabariga ko'ra, «Napoli» Langleni avvalroq «Bavariya»ga o'tgan Kim Min Chje o'rniga sotib olishi mumkin.

Qayd etilishicha, «Barselona» o'z futbolchisi uchun neapolliklardan taxminan 15 million evro talab qiladi, biroq bu mablag' Italiya jamoasi uchun muammo bo'lmaydi.

Avvalroq, «Milan» Langleni kuzatib borayotgani, ammo futbolchining o'zi faoliyatini Londonning «Tottenxem» klubida davom ettirmoqchi ekani xabar qilingandi. Eslatib o'tamiz, o'tgan mavsumda frantsiyalik futbolchi «shporlar»da ijara asosida o'ynagan edi.

Transfermarkt ma'lumotlariga ko'ra, futbolchining narxi 10 million evro.