«Barselona» futbolchisi Serxi Roberto «Real»ga qarshi o'yinda (0:4) o'tkazib yuborilgan birinchi goldan so'ng jamoasi tamoman cho'kib qolganini aytdi.

Kataloniyaliklar «Santyago Bernabeu»da erishilgan minimal ustunlik bilan Ispaniya kubogining yarim final javob bahsiga yo'l olishgandi.

Bugun birinchi bo'limning so'nggi daqiqalarida Vinisius Junior umumiy hisobni tenglashtirdi va tanaffusdan so'ng barcha savollar Karim Benzemaning xet-triki bilan bartaraf etildi.

«Birinchi bo'lim oxirida Vinisiusning goli bizni «sindirdi». Biz bunga loyiq emasdik, chunki biz ko'proq golli vaziyatlar yaratdik.

«Real Madrid»ning ikkinchi golidan keyin biz nihoyat taslim bo'ldik. Juda yoqimsiz mag'lubiyat, biz La Ligada ham, Ispaniya kubogida ham g'alaba qozonishni xohladik», - dedi Serxi Roberto.