"Barselona" hujumchisi Ansu Fati yozgi transfer oynasida jamoasini tark etishi mumkin.

Sport nashri xabariga ko'ra, "ko'k-anorranglilar" rahbariyati futbolchiga uni sotish bo'yicha takliflarni tinglashlarini bildirgan.

Manbaning ta'kidlashicha, Fati hali ham "Barselona"da qolish niyatida, ammo shu bilan birga, Ansu agar Neymar kelsa, uning o'yin amaliyoti sezilarli darajada qisqarishi mumkinligini tushunadi. Ushbu shubhalar tufayli Fati faoliyatini davom ettirish uchun boshqa variantlarni ko'rib chiqishi mumkin.

Oldinroq Premer-liganing nomi oshkor etilmagan klubi 20 yoshli Fati uchun 50 million evro taklif qilgani haqida xabar berilgandi.