"Barselona"ning yangi sport direktori Deku Neymarning jamoaga qaytishi mumkinligi haqidagi ma'lumotlarga munosabat bildirdi.

Braziliyalik hujumchi "PSJ"ni tark etishga qaror qildi va "Barselona" uning uchun asosiy da'vogarlardan biri hisoblangandi. 31 yoshli futbolchi uchun kurashda Saudiyaning “Al-Xilol” jamoasi g'alaba qozondi, u transfer uchun 90 million evroga yaqin to'lagan.

"Hamma biladiki, Neymarni qo'lga kiritish "Barselona" uchun, klubning moliyaviy ahvolidan kelib chiqqan holda, imkonsiz vazifa edi. Biz "PSJ" bilan transfer borasida muzokaralar olib borishimiz yoki Saudiya Arabistoni klubi bilan ijara bo'yicha muzokara olib borishimiz kerak edi, bu amalga oshmadi", - dedi Deku Geglobo bilan suhbatda.