"Barselona" bosh murabbiyi Xavi Ernandes hujumchi Ansu Fati "Real"ga o'tishi mumkinligi haqidagi mish-mishlarni inkor qildi. Ispaniyalik futbolchi yaqinda matbuotda "Santyago Bernabeu"ga o'tishi haqida xabarlar tarqalgan edi.

"Fati "Real"ga o'tadimi? Bu hazil. Ansu klubning merosxo'ri ekanligini allaqachon aytgandim. U muhim futbolchi, men uning qolishini istayman. Fati - "Barselona"ning buguni va kelajagi", - dedi Xavi matbuot anjumanida.

Avvalroq, "Barselona" boshqa transferlarni moliyalashtirish uchun Fatini sotib yubormoqchi ekanligi haqida mish-mishlar tarqalgan edi. Biroq Ansu jamoani tark etmasligini bir necha bor ochiq aytdi.