«Bavariya» vingeri Leroy Sane «Barselona»ning radariga tushgan. Bild xabariga ko'ra, Kataloniya klubi 27 yoshli futbolchini kelasi yozda sotib olishga urinib ko'rishi mumkin.

«Barselona» shu yozda Saneni o'z safiga qo'shib olmoqchi bo'ldi, ammo nemis futbolchisi bunday harakatni rad etdi.

Kelasi yozda futbolchi 2023/2024 yilgi mavsum qanday o'tishiga qarab kelajagi borasidagi pozitsiyasini qayta ko'rib chiqishi mumkin. «Barsa» vaziyatni diqqat bilan kuzatib boradi.

Aytish joizki, Leroy Sanening «Bavariya» bilan amaldagi shartnomasi 2025 yilning iyun oyi oxirigacha amal qiladi.