«Barselona» hujumchisi Ansu Fati yozgi transfer oynasi tugagunga qadar o'zining klubini o'zgartirishi mumkin.

Goal'ning xabar berishicha, 20 yoshli Fati xizmatiga «Arsenal» klubi qiziqish bildirmoqda. London klubi hatto futbolchining agenti Xorxe Mendesh bilan bog'langan.

Shu bilan birga, Ansu Fati «Tottenxem» va «Manchester Yunayted»ning ham qiziqish doirasida ekanligi qayd etilgan.

Umuman olganda, Ansu Fati «Barselona» asosiy tarkibida 110 ta o'yinda maydonga tushdi. Ularda hujumchi 29 ta gol urdi va sheriklariga 10 ta golli uzatma berdi.