Himoyachi Joau Kanselu "Manchester Siti"dan "Barselona"ga o'tishga yaqinlashmoqda. Klub 29 yoshli portugaliyalik futbolchini sotib olish huquqi bilan ijaraga oldi. Cadena Ser xabariga ko'ra, agar jamoa Chempionlar ligasi 1/8 finaliga chiqsa, Kanseluni 25 million evroga sotib olishga majbur bo'ladi.

Payshanba kuni Kanselu transferni yakunlash uchun Barselonaga boradi. Kataloniya klubi portugaliyalik himoyachining maoshining hammasini emas, balki katta qismini o'z qo'liga oladi.