"Barselona" vingeri Abde Ezzalzuli yozgi transfer oynasida jamoani tark etmaydi. Nufuzli insayder Fabritsio Romanoning ijtimoiy tarmoqlarda xabar berishicha, kataloniyaliklar boshqa klublarning takliflariga qaramay, bu futbolchiga nisbatan o'z pozitsiyasini o'zgartirmagan.

Qayd etilishicha, "Barselona" Abdening transferi bo'yicha to'rtdan ortiq klubdan so'rovlar olgan. Ularning barchasi rad javobini eshitishdi, chunki "ko'k-anorranglilar" bosh murabbiyi Xavi Ernandes 21 yoshli futbolchini tarkibda saqlab qolmoqchi.

Marokashlik "Barselona" safida 14 ta o'yin o'tkazib, bitta gol urgan.