Bundan roppa-rosa 20 yil avval, 2003 yilning 3 sentyabr kuni Ronaldino “Barselona” safidagi ilk golini urgan edi.

O'shanda braziliyalik futbolchi "Sevilya"ning bir nechta o'yinchilarini mohirlik bilan aldab o'tdi va yigirma sakkiz metrdan kuchli zarba berdi - to'p to'sinni "o'pib" darvozaga kirib ketdi.

"Kamp Nou"da bo'lib o'tgan "Barselona" va "Sevilya" o'rtasidagi o'yin 1:1 hisobidagi durang bilan yakunlangandi. O'shanda kataloniyaliklar bosh murabbiyi Frank Raykard edi.

Eslatib o'tamiz, Ronaldino "PSJ"dagi ikki mavsumdan so'ng 2003 yilning yozida “Barselona”ga o'tgan edi. Braziliyalik futbolchi besh yilni “Kamp Nou”da o'tkazdi, shundan so'ng u "Milan"ga yo'l oldi.