Hujumchi Joau Feliks yozgi transfer oynasining so'nggi soatlarida "Atletiko Madrid"dan "Barselona"ga ko'chib o'tdi.

Kataloniya klubi 23 yoshli portugaliyalik futbolchini mavsum oxirigacha “matraschilar”dan ijaraga oldi.

Joau Feliks "Barselona" futbolchisi sifatida taqdimoti paytida ko'z yoshlarini tiya olmadi. Oldinroq portugaliyalik futbolchi doim "ko'k-anorranglilar" safida o'ynashni orzu qilganini aytgandi.

Joau Feliks Ispaniya chempionatining yakshanba kuni bo'lib o'tadigan "Osasuna"ga qarshi o'yinida "Barselona" safida debyut qilishi mumkin.