"Barselona" hujumchisi Joau Feliks yozda ko'plab klublar e'tiborida bo'ldi. Jurnalist Fernando Poloning yozishicha, portugaliyalikning xizmatlariga “Liverpul”, “Manchester Yunayted”, “Aston Villa”, “Al-Hilol” kabi jamoalar qiziqish bildirgan.

Manba bergan xabarga ko'ra, Feliks ushbu jamoalarning barchasiga qiziqishlari uchun minnatdorchilik bildirgan, biroq ularga "Barselona"ga o'tishni istayotganini aytgan. Joau o'zining "Kamp Nou"ga o'tishini transfer oynasi oxirigacha kutdi. "Atletiko Madrid" yosh hujumchini sotib olish huquqisiz ijaraga qo'yib yuborishga rozi bo'ldi.

Eslatib o'tamiz, o'tgan mavsumning ikkinchi yarmida Feliks "Chelsi"da ijara asosida o'ynagan edi.