"Mundo Deportivo" xabariga ko'ra, niderlandiyalik futbolchiga ham Mark-Andre ter Shtegenning formulasi tanlanadi. Ya'ni, futbolchi 2 mavsum mobaynida kamroq maosh oladi, bu orqali u klubning moliyaviy holatini yaxshilab olishiga yordam beradi.

De Yongning amaldagi shartnomasi 2026 yil yoziga qadar davom etadi. O'tgan yozda futbolchini sotib yuborishga harakat bo'lgan bo'lsa-da, hozir tomonlarning munosabatlari anchagina yaxshi.

De Yong 2019 yildan buyon Kataloniya klubi tarkibida o'ynamoqda. U "Barselona" uchun 187 o'yinda qatnashib, 16 gol va 21 assist qayd etdi.