"Barselona" hujumchisi Ferran Torres 2024 yilgi Evropa chempionati saralashi doirasida Kipr termasiga qarshi bo'lib o'tadigan o'yinga Ispaniya terma jamoasidan chaqiruv oldi, deya xabar bermoqda Sport.es nashri.

Ispaniya terma jamoasi bosh murabbiyi Luis de la Fuente yarim himoyachilar Dani Olmo va Marko Asensio Gruziya terma jamoasi bilan o'yinda (7:1) jarohat olganidan so'ng Torresni chaqirdi.

"Vilyarreal" hujumchisi Jeremi Pino ham terma jamoaga taklif etilgan.

Ispaniya va Kipr terma jamoalari o'rtasidagi uchrashuv 12 sentyabr kuni Granadada bo'lib o'tadi.