Kataloniyaning "Barselona" klubi yosh vinger Lamin Yamal bilan shartnomani uzaytirishni rejalashtirmoqda. Jurnalist Fernando Poloning xabariga ko'ra, "ko'k-anorranglilar" futbolchining agenti Jorje Mendesh bilan birgalikda futbolchi bilan 2030 yilgacha, ya'ni u 18 yoshga to'lgunga qadar yangi shartnoma imzolash rejasini ishlab chiqishgan. Yamal hozirda 16 yoshda.

La Liga qoidalari 18 yoshgacha bo'lgan futbolchilar bilan 3 yildan ortiq muddatga shartnoma imzolashni taqiqlaydi. Shu sababdan “Barselona” haligacha dastlabki rejani amalga oshira olmaydi va 2030 yilgacha Yamal bilan shartnoma imzolamaydi.

Eslatib o'tamiz, Yamal yaqindagina Ispaniya terma jamoasi safida maydonga tushgan va gol urgan eng yosh futbolchiga aylangandi.