«Barselona» va Braziliya milliy jamoasining sobiq hujumchisi Rivaldo Kataloniya klubi boshqaruviga Kike Seten kelganidan so‘ng hech qanday o‘zgarishlarni ko‘rmayotgani haqida gapirdi.
«Ochig‘ini aytganda, «Barselona»ning so‘ngi o‘yinlarini Valverde qo‘l ostidagi o‘yinlar bilan solishtirganda yaxshi tomonga o‘zgarishlarni ko‘rmayapman. Jamoa hozirgidan yaxshiroq o‘yin namoyish etishga qodir, boisi tarkibda ajoyib futbolchilar bor. Menimcha, bu klubda ishlar yaxshi tashkillashtirilmagani bilan bog‘liq bo‘lishi mumkin», – deydi Rivaldo.
Ma’lumot uchun, «Barselona» Ispaniya chempionatining 25-turidan keyin 55 ochko jamg‘argan holda 1-pog‘onada bormoqda.