"Barselona"ning sobiq hujumchisi Boyan Krkich klub tuzilmasida boshqaruv lavozimiga ega bo'ldi, deb xabar bermoqda kataloniyaliklar matbuot xizmati.

Sobiq futbolchi "ko'k-anorranglilar"ning yangi sport direktori Deku jamoasiga qo'shildi va futbol koordinatoriga aylandi. 33 yoshli Krkichning vazifasiga boshqa jamoalarda ijara asosida o'tayotgan "Barselona" futbolchilarini kuzatish kiradi. Qolaversa, u klub akademiyasi tarbiyalanuvchilarini asosiy jamoaga o'tkazishga ham javobgar bo'ladi.

Krkich - "Barselona"ning tarbiyalanuvchsi. 33 yoshli sobiq futbolchi kataloniyaliklar safida 163 ta o'yin o'tkazib, 41 ta gol urdi va 19 ta golli uzatmani amalga oshirdi. Kataloniyaliklar tarkibida Boyan uch karra Ispaniya chempioniga aylandi. Shu yilning mart oyida u faoliyatini yakunlaganini e'lon qildi.