"Barselona" va Frenki de Yong shartnomani uzaytirish masalasini muhokama qilishmoqda.

Avvalroq, Kataloniya klubi yarim himoyachiga maoshni "klubning og'ir iqtisodiy voqeligiga" moslashtirib, yangi shartnoma imzolashni taklif qilgani ma'lum bo'lgan edi.

AS xabariga ko'ra, tomonlar shartnomani 2028 yilgacha uzaytirish bo'yicha muzokaralar olib borishmoqda. Qayd etilishicha, futbolchining maoshi, agar kelishuv imzolansa, yildan-yilga oshib boradi.

De Yong "ko'k-anorranglilar" safidagi beshinchi mavsumini o'tkazmoqda, uning shartnomasi 2026 yilgacha mo'ljallangan.