La Liga o'z klublari uchun yangilangan maosh chegaralarini e'lon qildi.

Eng yuqori ko'rsatkich "Real Madrid"da - 727,45 million evro. Fevral oyidagi oldingi yangilanish bilan solishtirganda, u 43,99 millionga ko'paygan. Keyingi o'rinda "Atletiko Madrid" - 296,36 million (- 19,46 million). Kuchli uchlikni 270,03 million (- 378,79 million) limiti bilan “Barselona” yakunladi.

“Sevilya” (167,72 million), “Vilyarreal” (143,92 million), “Real Sosedad” (124,75 million) va “Atletik” (100,06 million) klublarida ham 100 million evrodan oshiq cheklovlar mavjud.

"Alaves" La Ligadagi eng kichik maoshlar chegarasiga ega - 31,28 million.