"Barselona"ning o'ng qanot himoyachisi Joau Kanselu kataloniyaliklarning navbatdagi o'yinida zaxirada qoldirilishi mumkin.

Portugaliyalik yaqinda La Liga doirasida "Betis"ga qarshi o'yinda 90 daqiqa maydonda harakat qilib, gol urdi va jamoasining 5:0 hisobidagi g'alabasiga hissa qo'shdi. Mundo Deportivo xabariga ko'ra, "Blaugrana" bosh murabbiyi Xavi Ernandes seshanba kuni Belgiyaning "Antverpen" jamoasiga qarshi bo'lib o'tadigan Chempionlar ligasi o'yinida 29 yoshli futbolchiga dam berishi mumkin. Himoyaning o'ng qanotidagi o'rinni jamoa sardori Serxi Roberto egallashi kutilmoqda.

Joau Kanselu joriy mavsum oxirigacha "Barselona"da "Manchester Siti"dan ijara asosida harakat qiladi.