Ispaniya terma jamoasi va «Barselona»ning sobiq yarim himoyachisi Andres Inesta «ko'k-anorranglilar»ning uy stadioni – «Kamp Nou» haqida o'z fikrlari bilan o'rtoqlashdi.

«Menda dunyoning ko'plab stadionlarida o'ynash imkoniyati bo'lgan. Ular juda ko'p edi, lekin aytishim mumkinki, «Kamp Nou» eng zo'r arena. Bu – birinchi raqamli stadion.

Har safar bu arenada o'ynaganingizda, xuddi orzular ro'yobga chiqqandek bo'ladi», - deya Inestaning so'zlarini keltiradi Barca Ubiversal.

Eslatib o'tamiz, Andres 2002 yildan 2018 yilgacha Kataloniya klubi sharafini himoya qilgan. Umuman olganda, Inesta «Barselona» bilan 32 ta sovrin yutgan.