"Barselona" futbolchisi Joau Kanselu orzusi ushalgani haqida gapirdi.

29 yoshli futbolchi sentyabr oyi boshidan buyon kataloniyaliklar klubida "Manchester Siti"dan ijara asosida to'p tepmoqda. Portugaliyalik avvaldan "ko'k-anorranglilar" safiga qo'shilishni chin dildan xohlaganini tan oldi.

"Bu men uchun orzu", - deydi Kanselu. - Men "Barselona"ni 2009 yilda ko'rganman - futbol tarixidagi eng yaxshi jamoa, hozir o'zim ham shu klubda o'ynayapman. Bu aql bovar qilmaydigan narsa, men bunga hali ham ishonmayapman", - deya o'ng qanot himoyachisi so'zlarini keltiradi Barca Universal.

Joau Kanselu "Barselona"ga "Selta" ustidan g'alaba qozonishda yordam berdi (3:2), golli uzatmani amalga oshirdi va gol urdi.