Ispaniya chempionatining 8-turi doirasida Kataloniyaning “Barselona” klubi o'z maydonida “Sevilya”ni qabul qiladi. Qayd etish joiz, “ko'k-anorranglilar” 20 yildan beri o'z maydonida andalusiyaliklarga mag'lub bo'lishmayapti.

Oxirgi mag'lubiyat 2002/2003 yilgi mavsumda 0:3 hisobida bo'lgandi. Shundan so'ng "Barselona" 17 marta g'alaba qozongan va uch marta durang o'ynagan.

Uchrashuv bugun, 29 sentyabr kuni bo'lib o'tadi. Start hushtagi Toshkent vaqti bilan 23:59 da yangraydi. Ushbu o'yin arafasida "ko'k-anorranglilar" La Liga turnir jadvalida uchinchi, mehmonlar esa 12-o'rinni egallab turishibdi.