Polsha terma jamoasi va Kataloniyaning «Barselona» klubi hujumchisi Robert Levandovski Saudiya Arabistoni chempionati klublarining qiziqishlari doirasiga tushishda davom etmoqda.

Sport.es jurnalistlarining ma'lumotlariga ko'ra, nomlari e'lon qilinmagan Saudiyaning bir qancha klublari to'purar bilan shartnoma imzolamoqchi.

Eslatib o'tamiz, so'nggi transfer oynasida Levandovski Saudiya Arabistonidan jozibali takliflar olgan, ammo rad javobini bergandi.

Ispaniya chempionatining joriy mavsumida Robert sakkizta o'yin o'tkazib, beshta gol urdi va uchta golli uzatmani amalga oshirdi. Uning transfer narxi 30 million evroga baholanmoqda.